Kan ram buai ruang ah Mizoram ah ralzaam dirhmun in a um mi Pu Tei Hmung (kum 82) cu nizan ah motorcycle nih a pah caah a nunnak a liam, tiah theih a si.
Pu Tei Hmung hi Lungzarh khuami a si i, Thantlang ah khua a sa mi a si. Thantlang a kangh hnu in Mizoram Farkawn khua ah ral a zaam ve.
Nizaan March 16 zaanlei muilai ah khan pumh ding in biakinn lei a panh lio ah motorcycle nih a pah i faak ngai in a tlu. A tluknak ah a lu hi faak tuk in i khawng sehlaw a dawh.
A hnakhaw, a kaa le a hnar hna in thi an chuak i sizung ah an kalpi ko nain zaan nazi 10 hrawng ah a kan liamtak.
Pu Tei Hmung motorcyle in a pahtu hi dir lo in a lanh caah ahodah a si ti mi an thei lo tiah theih a si.
