Saudi Arabia ram chung ah an tuahmi Saudi Super Cup in Ronaldo te Team Al Nassr cu an tlak caah Al Nassr Manager pa nih Ronaldo sual a phawt.
Al Nassr manager Rudi Garcia nih “Half Time hlan ah khan Ronaldo nih goal khawh ding a si ko mi a tlolh caah a si,” tiah puai dih ah a chim.
Saudi Super Cup hi Saudi Arabian Football Federation nih kum khat voi khat an tuahmi Saudi Arabia ramchung bawlung chuih zuamnak a si.
Nihin ah Al Nassr le Al Ittihad cu Semifinal ah an i tong. Al Ittihad nih Ronald te Team Al Nassr cu 3-1 in an tei hna.
Manager pa nih Ronaldo ruang ah kan sung a ti nain an chuih mi zoh Highlights zoh tik ah hin Al Ittihad nih Al Nassr hi an tei deuh reng reng hna.
