Shan ramkulh, Namhsan khua ah a cangmi TNLA le SAC ralhrang karlak kahdohnak ah SAC ralhrang pawl a tomtom bak in an thi hna.
TNLA ralkap nih an charmi SAC ralhrang ruak i ruak 50 dengmang a si. A nung in an tlaihmi hna ralhrang 24 zong an um chap.
Kahdohnak hi December 7 khan aa thawk i nizan zinglei tiang a rau. Kap hnih in a thimi le hliam pumi an um hna. Asinain, TNLA lei mithi hliampu cazin a fiang ve rih lo.
TNLA, MNDAA le AA he naihniam a simi thanwgpang pawl nih cun SAC ralhrang 100 hrawng an si i, an zapi in an thi, asiloah tlaih an tong dih tiah an chim.
Shan thawngzamhnak pakhat nih cun SAC ralhrang a thimi miruak hi 47 an char a ti. Tlaihmi 24 an um tiah a ti ve. A tang i ralhrang ruak hmanthlak hi a zoh tuah ngat.
