Kalaymyo peng, Latpanchawng ah SAC ralhrang nih miakpi in khua lei ah an kah caah kum 9 lawng a si rihmi Chin ngakchia pakhat a nunnak a liam, tiah theih a si.
Nihin January 3 zinglei sml. 9:15 hrawng ah khan SAC ralhrang nih Kalymyo in Latpanchawng lei ah miakpi in an kah hna hi a si.
Atu bantuk in SAC ralhrang nih Latpanchawng lei ah miakpiak (120MM) in an kah lio ah hin kahdohnak zong a um lo.
Miakpi bomb in Latpanchawng khuachung ah pahnih a tla. A pakhatnak a tlak ah hin minung 5 an i hliam i, a pahnihnak ah minung 2 an i hliam.
Cu aa hliammi chung ah cun ngakchia tete pahnih an i tel ve. Ngakchai pahnih lak ah kum 9 lawng a simi, Malsawmhlua hi a nunnak a liam, tiah thawng kan theih.