Kalay in Laitlang lei rak kainak lam cu SAC ralhrang nih January 21 thawk in an phih, tiah theih a si.
Hi lam hi CDF-Siyin nih thla 2 leng an rak phih chungmi a si i, an January 21 ah an on tthan cang ko nain ralhrang lei nih an vun phih ve.
CNA le ttangrual Chin miphun ralkap bu hna nih January 16 ah Taingen khua an lak hnu in SAC ralhrang nih 9 miles (Ku-mai) zawn in an phihmi a si.
Ralhrang pawl nih Chin ramkulh kainak le Kalay nitlaklei lam pawl zong an kham caah tualchungmi umkalnak le khualtlawnnak a har ngai, tiah theih a si.
