Hakha khua i SAC palik le ralkap sin ah mah pum i zuar pin ah miphun a zuartu Lai nungak pawl nan cei lai tiah CDF-Hakha President Hram Lian nih ralrin a pek cang hna.
“Atu ah ral sin ah thawng a pe tawn mi ngaknu no tete kan in theih ko hna. Palik he aa uar mi, ralkap he aa uar mi, an check gate hrawnghrang ah va kal i duh poh i an tuaitam mi nungak tampi nan um kan in theih ko hna,” tiah President Hram Lian nih fing ko in a chim.
Hi bantuk Lainu pawl hi mahle mah an i zuar pin ah kan miphun a zuartu an si caah a caan a phak cun nan cei lai tiah ralrin a pek hna.
“Miphun a rawitu tampi nan um. Mah zong i zuar, miphun zong zuar. Kannih Laimi cu pakhat le pakhat kan luhhmuhzi a that caah kan in theihthiam rih hna i a si,” tiah a chim chap.
Non-CDM pawl zong ralhrang he i theihnak kha caantha ah nan i lak i innhmun zong duh poh in nan tuah, tangka nan kawl, nanmah hlawtnak lawng nan kawl…atu ah nan umnak zong kan in theih dih ko hna. Asinain, kan in zoh sawh rih hna i a si, tiah ralrin a pek hna.
