Cristiano Ronaldo cu World Cup ah an ram Portugal an tlak hnu in Saudi Arabia ram i Football Club pakhat nih lahkhah tam taktak in kum 2 chung an hun lak cang.
Vawleicung ah a theih zong theih ballomi minthanglo Al-Nassr timi Football Club nih an cawk cu a si.
Nizan nai khan Ronaldo cu Saudi Arabia ah a phan i, siangpahrang bantuk bak in an don. A minthang ve hrimhrim ko.
Asinain, Ronaldo manager le a darling hi lungrethei in an um ve. Aruang Saudi Arabia cu Muslim ram a si bang in biaknak lei phungphai kong ah an strict taktak.
Nu le pa aa thitum taktak lomi cu innkhat ah khuasak ti a ngah lo. Ronaldo le atu a darling Georgina Rodriguez hi kutsih thitumnak ngaingai an tuah ballo.
Asinain, Ronaldo le a nungak nu hi fa pathum cu an ngei cang. Kutsih thitumhnak taktak an tuah lo tik ah phungning in nuva an si lo i Saudi Arabia phungphai ning cun an ram ah nuva bang in umter a ngah lo.
Asinain, Ronaldo a manager pa nih cun “Mah hlan khan cu kan lungre a thei pah ngai ko mah kong ah hin. Asinain, Saudi Arabia kan phak taktak tik ah cozah lei nih zeihmah ti a um lo. I theihter loin an um ko,” tiah a chim.
