Kalay-Hakha lampi cung ah a ummi Taingen SAC ralhrang sakhaan tukdohnak ah mipi ralkap lei in minung pahnih nih ram le miphun caah nunnak an pek, tiah theih a si.
CDF-Hakha in a nunnak a liammi hi Tluang Tin Ceu a si i, CDF-KKG in a nunnak a liammi Pum Kai tiah auhmi a si.
Taingen SAC ralhrang sakhaan January 12 zaanlei khan CNA, CDF CDM Siyin, CDF-KKG, CDF -Thantlang, CDF-Hakha, PDA le CDF-Hualngoram hna nih an doh i, atu tiang kahdohnak pehzul in a um.
Taingen sakhan an sungh lo nakhnga SAC ralhrang nih Kalay University lei in miakpi in an kah bawmh hna pin ah vanlawng zong in kan mipi ralkap pawl a kah ngai hna.
Atu zaa sml. 8:00 hrawng zong ah khan SAC ralhrang nih vanlawng in a rak kah chap hna caah mipi ralkap hna caah thlaza cam cio ding in Chin miphun dihlak sawm kan si.
