Kalay-Hakha lam cung um, Tedim peng, Taingen khua kahdohnak ah Chin miphun ralkap in minung paruk nih an nunnak an pek cang, tiah thawngpang kan theih.
Taingen ah SAC ralhrang sakhaan pathum a um i, cu chung ah cun sakhaan pahnih cu kan miphun ralkap nih an lak khawh cang.
Taingen khua SAC ralhrang sakhaan pawl a dotu hi CNA, CDF CDM-Siyin, CDF-KKG, CDF -Thantlang, CDF-Hakha, PDA le CDF-Hualngoram ralkap pawl an si hna.
Kahdohnak ah CDF-KKG in minung pathum, CNA in minung pakhat, CDF-Thantlang in minung pakhat le CDF CDM-Siyin in minung pakhat tiin an si hna.
January 12 thawk khan kan miphun ralkap nih Taingen ralhrang sakhaan pawl doh hram an thawk i, SAC ralhrang nih Kalay University in miakpi in kah a bawmh hna pin ah vanlawng in nitin a rak bawmh hna.
Ralhrang nih zei tluk tthua ko hna hmanh sehlaw kan lak hlanlo kan doh lai, tiah CNA chimnak nawlngei Salai Htet Ni nih a chim.
