Taingen khua SAC ralhrang sakhaan laaknak ah kan Chin miphun ralkap hna nih SAC ralhrang meithal zun 30 leng an lak.
Meithal zun 30 leng an laak pin meithal le a dangdang ralkap thilri tampi an lak chap i, SAC ralhrang ruak 29 zong an char.
SAC ralhrang ruak an charmi leng ah a nung in a zaammi SAC ralhrang tlawmpal an um an ti i, a zaammi ralhrang pawl tlaih khawh ding in an i zuam lio a si.
Taingen SAC ralkap sakhaan cu January 12 thawk khan CNA, CDF CDM-Siyin, CDF-KKG, PDA, TCDF, CDF-Zaniatram, CDF-Hualngoram, CDF -Thantlang le CDF-Hakha hna nih an doh i, a ni nganak nihin zinglei ah tlamtling tein an laak khawh hi a si.
Taingen khua laak abiapit tuknak cu Kalay-Hakha lampi cung ah a ummi a si pin ah Kalay in India lei chawlehthalnak lampi cung ah a ummi a si caah a si.
Atu CNA hruaimi kan Chin miphun ralkap nih Taingen an vun laak khawh tik ah Kalay in Hakha le Kalay in India ramri Rihkhawhdar lei kalnak caah a him ngai cang lai.
