Kalay-Hakha lampi cung i Taingen SAC ralhrang sakhaan cu nihin January 16 zinglei ah CNA hruaimi kan miphun ralkap nih an lak i Chin miphun ralkap hna nih teinak than an tlah hna.
Taingen SAC ralkap sakhaan cu January 12 thawk khan CNA, CDF CDM-Siyin, CDF-KKG, PDA, TCDF, CDF-Zaniatram, CDF-Hualngoram, CDF -Thantlang le CDF-Hakha hna nih an doh i, a ni nganak nihin zinglei ah tlamtling tein an laak khawh hi a si.
Taingen SAC ralhrang sakhaan ralhrang ruak 29 an char. CNA hruaimi kanmah Chin miphun ralkap lei zong in minung 8 nih ram le miphun caah an nunnak an pek.
Kan miphun luatnak caah nunnak a pemi ralkap hna i an chungkhar pawl hi ramchung le ramleng ah a ummi Chinmi vialte nih pumpak zong in kan ti khawh tawk in bawmh khawh i zuam cio hna u sih, tiah forhfial kan duh ko hna.
