Kalay-Hakha lampi cung Taingen khua kahdohnak ah miphun ralkap lei in minung pakhat nih a nunnak a pek ṭhan, tiah theih a si.
CDF-CDM-SIYIN haotu pakhat nih, “Kahdohnak a dih rih lo. SAC ralhrang nih vanlawng a hman ngai. Kanmah lei in ralkap pathum an nunnak a liam ve cang. Ralhrang zong a thimi an tam ngai,” tiah DVB thawngzamhnak ah a ṭial.
January 13 kahdohnak ah khan CDF-Hakha in Tluang Tin Ceu le CDF-KKG in Pum Kai nih Taingen kahdohnak ah nunnak an pek cang.
SAC ralhrang nih hin vanlawng a hman tuk pin ah Kalay University in miakpi in dongcat loin a kah bawmh hna. Sihmanhsehlaw, sakhaan kan lak hrimhrim lai tiah Salai Htet Ni nih a chim.
“SAC ralhrang nih vanlawng a hman tuk pin ah Kalay lei in miakpi in pehzul in kah a bawmh. Asinain, kan ralkap pawl hnu an kir lo. Mah sakhaan hi lak hrimhrim ding in kan doh lai,” tiah a chim.
Taingen SAC ralhrang sakhaan January 12 zaanlei khan CNA, CDF CDM Siyin, CDF-KKG, CDF -Thantlang, CDF-Hakha, PDA le CDF-Hualngoram hna nih an doh i, atu tiang kahdohnak a dong rih lo.
