Nizan UFC thongh zuamhnak ah kan Laipa Joshua Van nih laksawng tangka zeizah dah a hmuh timi hi a theih nan duh cio ken lai.
Kum 34 a si cangmi Zhalgas Zhumagulov le kum 21 lawng a si rihmi Joshua Van cu nizaan ah US ram i UFC Octagon Ring chung ah Round 3 an i phomh i Mark in Joshua Van nih a tei.
Round 1nk ah hin Zhalgas Zhumagulov nih Mark in Joshua Van a tei deuh. Asianin, Round 2nk le Round 3nk ah cun Joshua Van nih Mark in a tei ngaingai cang.
Round 2nk a tanttim ah Joshua Van nih Zhalgas Zhumagulov cu tlu lak in a thongh khawh dengmang te. A zei si paoh ah Joshua Van nih a chei deuh hrimhrim timi cu el awk ttha loin hmuh cio a si.
Joshua Van nih UFC Teinak ah Zeizah Dah a Hmuh?
Joshua Van nih UFC ah a thongh man (Tei zong/tei lo zong ah) $12,000 hi a hmuh cia hrimhrimmi a si. Teinak a hmuh caah $12,000 tei man laksawng chap chih a si.
Cu pin ah aa hrukmi thilthuam fakthanhnak (Cawngia) man ah $4,000 hi a hmuh chap. Azapi ah a hmuhmi hi $28,000 a si.
Atulio tangka thlen (USD to MMK) hi $1 ah 3,000 MMK hrawng a si i, cuti ning in tuak ah cun Joshua Van nih hin atutan voi khat aa thonghnak in hin Kawlram tangka (MMK) 84,000,000 (Ting zariat le ting sawnli) hrawng a hmuh tinak a si.
