Yangon ramthen, Shwe Pyi Thar ah a tlau tiah chungkhar le sang le veng nih lungrethei ngai in an kawl lenmi nute cu lamkam kutdok pawl nih an rak zohkhenh, tiah theih a si.
Hi kum 5 ngakchia nute hi March 12 ah khan Shwe Pyi Thar khua i Pangpar Dum ah chungkhar he an kal lio ah a tlau mi a si.
Kiangkap CCTV zoh in an kawl tik ah ngakchia nute cu kutdok sin ah a um mi an hmuh. We Love Care Burma ti mi bu nih kutdok pawl sin ah ngakchia nute cu him te in an um mi na hmuh i an va laak.
Shwe Pyi Thar khua ah March 12 ah khan a tlau i March 13 zinglei ah Insein khua i kutdok hna sin ah a um mi cu an hmuh.
Atulio Kawlram ah hin ngakchia tlau a um pah ngai pin ah hriamnam i ken i misual zong an i chawh ngai caah i ralrin bak a hau.
