Nizan January 11 ah Tedim peng, Laitui khua pawng ah CNA le ZRA karlak i kahnak kong he pehtlai in kan pu bik pakhat a si mi CNA chimnak nawlngei Salai Htet Ni nih fianternak a vun tuah cang.
ZRA le CNA an i kahmi hi ZRA lei in an rak bawh hna i an kah hmasa hna caah a si tiah theih a si.
Salai Htet Ni nih cun “Runvennak tuah in kan ralkap pawl an kal lio ah ZRA nih Ambush an rak tuah hna. Kan ralkap pawl nih an dawi hna i an thilpuan cheukhat an lak. Tlawmpalte an i kahmi khi a si ko. Hliamput le thihloh tibantuk a um lo,” tiah Khonumthung thawngzamhnak sin ah a chim.
ZRA a dirpitu Zomi Facebook Page ah cun CNA ralkap pathum an thi tiah an au len nain khakha lih lawngte a si.
CNA nih an dawi hna tik ah cun an ihnak puan, bag le ralkap angki tibantuk zong an rak zaamtak viar hna.
